The news is by your side.

Advertisement

روجھان: موٹر سائیکل چوری پر دو گروہوں میں فائرنگ، 7 افراد ہلاک، 11 زخمی

روجھان: پنجاب کے ضلع راجن پور کے شہر روجھان میں دو مسلح گروہوں کے درمیان فائرنگ کے نتیجے میں 7 افراد ہلاک جب کہ 11 زخمی ہو گئے ہیں۔

تفصیلات کے مطابق راجن پور کے شہر روجھان کے ایک علاقے کچہ چک کپڑا میں دو گروہوں میں فائرنگ ہوئی ہے جس میں سات افراد ہلاک جب کہ گیارہ زخمی ہو گئے۔

پولیس نے میڈیا کو بتایا کہ مسلح قبیلوں بنوں اور دہانی میں فائرنگ موٹر سائیکل چوری کے تنازعے پر ہوئی، پولیس موقع پر پہنچی تو شدید فائرنگ جاری تھی۔

جاں بحق افراد کی شناحت شہباز، کریم، عبد الشکور اور نذر وغیرہ کے نام سے ہوئی ہے، پولیس کا کہنا تھا کہ مزید ہلاکتوں کا خدشہ ہے، پولیس کی بھاری نفری موقع پر پہنچ گئی ہے۔

یاد رہے کہ گزشتہ برس نومبر میں روجھان شہر میں ان پڑھ، جاہل وڈیروں سے شادی سے انکار پر دو ڈاکٹر بہنوں کے خلاف مقامی جرگے نے عجیب فیصلہ دے دیا تھا۔

جرگے نے لڑکیوں کے خلاف فیصلہ دیا کہ یا تو وڈیروں سے شادی کریں یا پھر 123 ایکڑ زمین وڈیروں کو دی جائے۔

یہ بھی پڑھیں:  بیٹیوں کے رشتے دو یا 123 ایکڑ زمین، جرگے کا ظالمانہ فیصلہ

ڈاکٹر بہنوں نے ایک ویڈیو پیغام میں کہا کہ ان پر شادی کے لیے دباؤ ڈالا جا رہا ہے اور پولیس بھی ان کے ساتھ تعاون نہیں کر رہی ہے۔

مزاری بہنوں کا کہنا تھا کہ وہ ایم بی بی ایس فائنل ایئر میں پڑھ رہی ہیں، حضور بخش مزاری کے بیٹوں رفیق مزاری اور علی شیر مزاری نے ان کے بھائیوں پر بھی حملے کیے۔

تاہم میڈیا پر خبر چلنے کے بعد آئی جی پنجاب نے نوٹس لیا، پولیس کی حرکت میں آجانے کے بعد وڈیرے پیچھے ہٹ گئے، پولیس کا کہنا تھا کہ فریقین میں صلح کروائی گئی۔

Comments

comments

یہ بھی پڑھیں