کرکٹ میں پل شاٹ کو کھیل کے سب سے مشہور اسٹروک میں شمار کیا جاتا ہے جسے بھارتی ٹیم کپتان روہت شرما بہت اچھا کھیلتے ہیں۔
سوشل میڈیا پر وائرل ہونے والی ویڈیو میں پاکستان کی چھ سالہ بچی سونیا خان کو مہارت کے ساتھ پل شاٹ لگاتے ہوئے دیکھا جاسکتا ہے جس کا موازنہ بھارتی کرکٹر روہت شرما سے کیا جاتا ہے جو اس اسٹروک میں مہارت حاصل کرنے کے لیے مشہور ہیں۔
رچرڈ کیٹلبرو کے ذریعہ ایکس پر ویڈیو شیئر کی جس میں لکھا تھا کہ ’6 سالہ بچی، پاکستان کی باصلاحیت سونیا خان جو روہت شرما کی طرح پل شاٹ کھیلتی ہے۔‘
ویڈیو میں ایک شخص کو بچی کو بولنگ کرتے دیکھا جاسکتا ہے جو پل شاٹ کو درستگی کے ساتھ انجام دیتی ہے۔
وائرل ویڈیو کو سوشل شائقین کرکٹ کی جانب سے بے شمار لائکس اور تبصرے ملے، بہت سے صارفین اس کی تکنیک کا روہت شرما سے موازنہ کیا۔
کچھ صارفین نے لکھا کہ ’وہ پاکستان کی قومی ٹیم سے بہتر کھیلتی ہے۔‘
بی بی سی اسپورٹس اکیڈمی کی رپورٹ کے مطابق، پل شاٹ ایک کراس بیٹڈ اسٹروک ہے جو بیک فٹ سے کھیلا جاتا ہے تاکہ گیند کو ٹانگ سائیڈ کی طرف لے کر شارٹ پچ ڈلیوری کا مقابلہ کیا جا سکے۔
ہک شاٹ کے برعکس جو سر کی اونچائی پر کھیلا جاتا ہے، پل شاٹ کمر کی سطح کے گرد لگائی جاتی ہے جس سے اسے کنٹرول کرنا آسان ہو جاتا ہے۔
