ریاض : سعودی حکام نے معذور افراد کےلیے سرکاری و نجی شعبوں میں ملازمت کے چھ سو مواقع پیش کردئیے۔
عرب میڈیا کے مطابق خلیجی ریاست سعودی عرب نے دارالحکومت ریاض میں تمکین نمائش کا انعقاد کیا جس میں اشاروں کی زبان کی بنیادی باتیں، سی وی رائٹنگ، ذاتی انٹرویوز، لیبرمارکیٹ میں معذور افراد کے حقوق پرسیمینار، بااختیار بنانے میں خاندان کا کردار، معذور افراد کی کامیابی کی بہت سی کہانیاں اور متعدد چیزیں شامل تھیں۔
اس تمکین نمائش کا اہتمام اتھارٹی فاردی کیئر آف پرسنز ود ڈس ایبلٹیز نے کیا تھا جس کا مقصد معذور افراد کی قابلیت کو کاروباری شعبے سے جوڑنا تھا۔
- Advertisement -
اس نمائش میں معذور افراد کےلیے چھ سو سے زائد ملازمتیں پیش کی گئیں۔
اس نمائش کا انعقاد محمد بن سلمان کے وژن 2030 کے تحت ہوا جس کا مقصد معذور افراد کو بااختیار بنانا ہے۔
