قومی ٹیم کے آل راؤنڈر شاداب خان سے اس مرتبہ ساتھی کرکٹر شرجیل خان نے شادی سے متعلق سوال کرلیا۔
قومی ٹی 20 ٹیم کے نائب کپتان شاداب خان نے سماجی رابطے کی ویب سائٹ ٹویٹر پر سوال و جواب کا سیشن رکھا اور مداحوں کی جانب سے پوچھے گئے مختلف سوالات کے جوابات دئیے۔
اس مرتبہ شاداب سے کسی مداح نے نہیں بلکہ ساتھی کرکٹر شرجیل خان نے شادی سے متعلق سوال پوچھا۔
شرجیل خان نے ہیش ٹیگ ’آسک شاداب‘ کا استعمال کرتے ہوئے ان سے پوچھا کہ شادی کا کیا ارادہ ہے اور کب کرو گے؟
شاداب خان نے دلچسپ انداز میں جواب دیتے ہوئے کہا کہ ’شرجیل بھائی آپ ہی بات کرلیں، میں نمبر بھیجتا ہوں۔‘
Sharjeel bhai Aap hé baat kaar lain ab number send karta houn 🤪 #AskShadab https://t.co/vqb4LSQAit
— Shadab Khan (@76Shadabkhan) December 20, 2021
علاوہ ازیں عمران صدیقی نامی صارف نے پوچھا کہ آپ اب بھی سرفراز احمد کو اپنا کپتان سمجھتے ہیں؟
شاداب خان نے کہا کہ ’سرفراز احمد نے مجھے سکھایا کہ قیادت کیسے کرنی ہے، اپنی ٹیم کو کیسے ساتھ لے کر چلنا ہے اسی لیے وہ ہمیشہ میرے استاد اور کپتان رہیں گے۔
Because he taught me how to lead, how to look after your team, how to fight for your country and your teammates. My teacher will always be my captain. #AskShadab https://t.co/VDPdlcBybl
— Shadab Khan (@76Shadabkhan) December 20, 2021
مداحوں کے نام پیغام میں شاداب خان نے کہا کہ کبھی ہمت نہ ہاریں، ہمیشہ یاد رکھیں کہ آپ صرف اپنی صلاحیت سے بہترین کام کرسکتے ہیں، باقی اللہ پر چھوڑ دیں۔
