17.9 C
Ashburn
منگل, مئی 28, 2024
اشتہار

سالِ نو پر فائرنگ کرنے والے خبردار، کتنی سزا ہوگی؟

اشتہار

حیرت انگیز

کراچی: سندھ پولیس نے سالِ نو پر فائرنگ کرنے والے شہریوں کے لیے وارننگ پیغام جاری کردیا۔

اے آر وائی نیوز کے مطابق سندھ پولیس نے سال نو کے موقع پر شہریوں کے لیے وارننگ پیغام جاری کرتے ہوئے کراچی پولیس آفس میں مانیٹرنگ ٹیم تشکیل دے دی۔

ترجمان پولیس کا کہنا ہے کہ فائرنگ میں ملوث افراد کے خلاف اقدام قتل کے تحت مقدمہ درج کرنے کا فیصلہ کیا گیا ہے، مقدمے میں دیگر دفعات کو بھی شامل کیا جائے گا، ناقابل ضمانت جرم کی سزا 10 سال قید ہوگی۔

- Advertisement -

پولیس نے شہریوں سے اپیل کی کہ فائرنگ کرنے والے عناصر کی ویڈیو یا شکایت 15 پر کی جائے۔

ترجمان کراچی پولیس نے کہا کہ گزارش ہے کہ خوشیوں کو ماتم میں نہ بدلیں، ویڈیو 0343-5142770 پر ارسال کی جاسکتی ہیں، شکایات موصول ہونے پر بلا امتیاز کارروائی عمل میں لائی جائے گی۔

ادھر لاہور پولیس نے بھی نیو ایئر نائٹ سے قبل تیاریاں مکمل کرلیں۔

پولیس نے گریٹر اقبال پارک اسٹینڈ میں ون ویلنگ کرنے والے نوجوان کو گرفتار کرلیا، نوجوان کو ون ویلنگ کرتے موقع سے گرفتار کرکے مقدمہ درج کرلیا گیا۔

پولیس کا کہنا ہے کہ ون ویلنگ، ہوائی فائرنگ کرنے والوں کے خلاف سخت کارروائی کی جائے گی۔

Comments

اہم ترین

نذیر شاہ
نذیر شاہ
نذیر شاہ کراچی میں اے آر وائی نیوز کے کرائم رپورٹر ہیں

مزید خبریں