The news is by your side.

Advertisement

تحریک عدم اعتماد پر ن لیگ اور پیپلزپارٹی میں ڈیڈ لاک برقرار

لاہور: اپوزیشن قائدین کی شہباز شریف کے گھر پر بیٹھک کا احوال سامنے آگیا۔

اے آر وائی نیوز کے مطابق وزیراعظم عمران خان کے خلاف تحریک عدم اعتماد پر پیپلزپارٹی اور ن لیگ کے درمیان ڈیڈ لاک برقرار ہے۔

ذرائع کا کہنا ہے کہ پیپلزپارٹی نے اسپیکر قومی اسمبلی کے خلاف تحریک عدم اعتماد کی تجویز پر اتفاق کیا ہے، اپوزیشن رہنماؤں کا کہنا ہے کہ اسپیکر کے خلاف تحریک کے نتائج سے صورتحال بھی واضح ہوجائے گی۔

ذرائع کا بتانا ہے کہ آئندہ چند روز میں اسپیکر کے خلاف عدم اتحاد کی تحریک جمع کروائی جائے گی۔

مزید پڑھیں: حکومت گرانے کیلئے اپوزیشن کی سر توڑ کوششیں، رہنماؤں کی بڑی بیٹھک جاری

ذرائع کے مطابق پیپلزپارٹی پارلیمانی سال مکمل اور ن لیگ فوری الیکشن چاہتی ہے، پنجاب سے متعلق ق لیگ کے واضح فیصلے تک انتظار کرنے پر اتفاق ہوا ہے۔

واضح رہے کہ اس سے قبل مولانا فضل الرحمان اور شہباز شریف کی ملاقات ہوئی تھی جس میں اہم امور پر تبادلہ خیال کیا گیا تھا ، ن لیگ اور جے یوآئی حکومت مخالف تحریک کےاہم نکات پی پی کےسامنے رکھے، تحریک عدم اعتماد لانے کی تاریخ پر ن لیگ پیپلز پارٹی میں اختلافات ہیں۔

خیال رہے پیپلز پارٹی ، ن لیگ ،جے یو آئی قیادت میں گزشتہ رات ملاقات بےنتیجہ رہی تھی اور تحریکِ عدم اعتماد پراتفاق نہ ہوسکا تھا۔

Comments

یہ بھی پڑھیں