تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

شادی کب کریں گے؟ مداح کے سوال پر فہیم اشرف نے کیا کہا؟

قومی ٹیم کے آل راؤنڈر فہیم اشرف نے خاتون مداح کو شادی سے متعلق سوال کا جواب دے دیا۔

قومی ٹیم کے آل راؤنڈر فہیم اشرف نے گزشتہ دنوں نجی ٹی وی کے مزاحیہ پروگرام میں شرکت کی جہاں ان سے مداحوں کی جانب سے سوالات پوچھے گئے۔

فہیم اشرف سے ایک خاتون مداح نے سوال کیا کہ ’آپ کے باقی دوستوں نے شادی کرلی لیکن آپ کا شادی کے بارے میں کیا خیال ہے؟

جواب میں فہیم اشرف بے ساختہ کہہ اٹھے کہ ابھی تو شاداب خان کی بھی شادی نہیں ہوئی ہے۔

قومی کرکٹر نے کہا کہ ’بس شادی کے لیے آپ دعا کریں اب دعاؤں پر ہی ساری امیدیں ہیں۔‘

انہوں نے مزید کہا کہ ’میں بس اپنے دوستوں کو دیکھ رہا ہوں کہ وہ کیسے رہ رہے ہیں اور ان سے تجربہ حاصل کررہا ہوں یہ بھی دیکھ رہا ہوں کہ شادی زیادہ مشکل کام تو نہیں ہے۔‘

مزید پڑھیں: خاتون مداح کی شادی کی پیشکش پرامام الحق نے کیا کہا؟

واضح رہے کہ اس سے قبل امام الحق کو شو میں شریک ایک لڑکی نے شادی کی پیشکش کی تھی جس پر میزبان تابش ہاشمی سمیت امام الحق بھی حیران رہ گئے تھے۔

لڑکی نے امام الحق کو پروپوزکرتے ہوئے کہا تھا کہ ’کیا آپ مجھ سے شادی کریں گے؟ جس پر پہلے تو امام الحق حیران ہوئے، بعد ازاں میزبان تابش سے پوچھا کہ وہ اس بات کا کیا جواب دیں ؟

تاہم لڑکی کے اصرار پر خاموش ہوگئے، لڑکی نے امام الحق سے اصرار کرتے ہوئےکہا کہ ’سر پلیز میری بات کی عزت رکھ لیجیے گا جس پر کرکٹر نے جواب دیا کہ اس کے لیے آپ کو میری والدہ سے بات کرنی پڑے گی کیوں کہ وہی اس بات کا مناسب جواب آپ کو دے سکیں گی۔

اس پر لڑکی کا کہنا تھا کہ آپ جس کے پاس کہیں گے میں چلی جاؤں گی۔

Comments

- Advertisement -