بھارتی ٹی وی کے شو میں ننھے مداح نے قومی ٹیم کے کپتان بابر اعظم کی تعریف کی تو عرفان پٹھان تلملا گئے۔
تفصیلات کے مطابق بھارتی ٹی وی کے شو میں سابق کرکٹر عرفان پٹھان کے سامنے ننھے بچے نے قومی ٹیم کے کپتان بابر اعظم کو دنیا کا سب سے بہترین بلے باز قرار دیا۔
بچے کا بابر اعظم کی تعریف کرنا عرفان پٹھان کو ہضم نہ ہوا اور وہ بولے ویرات کوہلی نمبر ون کیوں نہیں؟
عرفان پٹھان کی جانب سے بار بار سمجھانے پر بھی بچے نے بابر اعظم کا دنیا کا نمبر ون بلے باز کہا اور کوہلی کو دوسرے نمبر پر رکھا۔
This. The kid confidently ranks Babar Azam and Virat Kohli in front of Irfan Pathan on his show. 👑🐐pic.twitter.com/3gKRRuHJsZ
— Farid Khan 🇵🇰🇹🇷 (@_FaridKhan) June 25, 2022
واضح رہے کہ ویرات کوہلی ان دنوں وہ اپنی خراب پرفارمنس کی وجہ سے تنقید کی زد میں ہیں۔
ویرات کوہلی 2019 کے بعد سے کوئی خاص پرفارمنس دینے میں ناکام رہے ہیں اور گذشتہ آئی پی ایل کے سیزن میں بھی ان کی پرفارمنس کوئی خاص نہیں رہی ہے۔
دوسری جانب پاکستان ٹیم کے آل فارمیٹ کپتان بابر اعظم نے اپنی شاندار کارکردگی کا سلسلہ جاری رکھا ہوا ہے اور وہ اپنے کیریئر کی بلندی پر ہیں۔
بابر اعظم تمام پلیٹ فارمز کی ٹاپ ٹین بلے بازوں کی فہرست میں شامل ہیں جبکہ ریڈ بال میں ان کا چوتھا نمبر اور وائٹ بال میں وہ سرفہرست ہیں۔
