کراچی: ڈریپ کراچی نے سائٹ ایریا میں فیکٹری پر چھاپہ مار کر غیرمعیاری ادویات برآمد کرلیں۔
اے آر وائی نیوز کے مطابق ڈریپ نیشنل ٹاسک فورس کی جعلی، غیرمعیاری ادویات کے خلاف ملک گیر کریک ڈاؤن جاری ہے۔
ترجمان وزارت صحت کا کہنا ہے کہ ڈریپ کراچی نے سائٹ ایریا میں فیکٹری پر چھاپہ مارا ہے فیکٹری میں ادویات غیرقانونی طور پر تیار کی جارہی تھیں۔
سی ای او ڈریپ ڈاکٹر عاصم رؤف کے مطابق فیکٹری میں پیراسیٹا مول کے مشابہ دوا کی تیاری جاری تھی خدشہ ہے کہ فیکٹری جعلی پیراسیٹامول بنا رہی تھی۔
انہوں نے کہا کہ ڈریپ ٹیم نے ادویات خام مال کا اسٹاک قبضے میں لے لیا ہے اور ادویات کے سیمپل ٹیسٹنگ کے لیے لیبارٹری بھجوادیے گئے ہیں۔
ڈاکٹر عاصم رؤف کا کہنا تھا کہ ہماری پہلی ترجیح شہریوں کے لیے معیاری ادویات کی فراہمی ہے۔
Comments
- Advertisement -
