20.8 C
Ashburn
بدھ, مئی 22, 2024
اشتہار

کراچی: ابراہیم حیدری میں کمسن بچی سے زیادتی کی کوشش ناکام

اشتہار

حیرت انگیز

کراچی کے علاقے ابراہیم حیدری میں شہریوں نے کمسن بچی سے زیادتی کی کوشش ناکام بنادی۔

اے آر وائی نیوز کے مطابق کراچی کے علاقے ابراہیم حیدری کے قریب 5 سال کی بچی سے زیادتی کی کوشش ناکام بنادی گئی بچی کی چیخ و پکار پر شہریوں نے ملزم کو پکڑ کر پولیس کے حوالے کردیا۔

پولیس کا بتانا ہے کہ ملزم منظور عالم کے خلاف تھانہ ابراہیم حیدری میں مقدمہ درج کرلیا گیا ہے۔

- Advertisement -

واضح رہے کہ دو روز قبل بن قاسم تھانے کی حدود پپری داتا نگر میں 6 سالہ بچی کو زیادتی کے بعد قتل کردیا گیا تھا، بچی کی بوری میں بند لاش نالے سے برآمد ہوئی تھی۔

یہ پڑھیں: کراچی داتا نگر میں زیادتی کے بعد قتل کی جانے والی ننھی فریحہ کا قاتل گرفتار

بچی کے چچا کا کہنا تھا کہ فریحہ پہلی جماعت کی طالبہ تھی اور گھر سے چیز لینے نکلی تھی۔

ایس ایس پی ایسٹ حسن سردار نیازی کا کہنا تھا کہ 6 سالہ بچی سے زیادتی کرنے والے ملزمان کو گرفتار کرلیا گیا ہے، ملزمان بچی کو جھانسہ دے کر لے گئے تھے بچی کو زیادتی کے بعد گلا دبا کر قتل کیا گیا اور لاش نالے میں پھینکی گئی۔

ان کا کہنا تھا کہ ملزمان انتظار اور اللہ رکھا نے بچی سے زیادتی کے بعد قتل کا اعتراف کرلیا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں