فوجیرہ میں خوفناک آتشزدگی، شیر خوار بچہ ہلاک baby-burns-to-death
The news is by your side.

Advertisement

فجیرہ میں خوفناک آتش زدگی، شیرخوار بچہ جاں بحق

ابو ظہبی : متحدہ عرب امارات  کے رہائشی علاقے میں واقع ایک گھر میں ہونے والی ہولناک آتشزدگی کی لپیٹ میں آکر سات ماہ کا بچہ جھلس کر ہلاک ہوگیا۔

تفصیلات کے مطابق متحدہ عرب امارات کی ریاست فجیرہ کے علاقے الفیصل میں واقع گھر میں ایک روز قبل ہونے والی خوفناک آتشزدگی کے نتیجے میں سات ماہ شیر خوار بچہ جھلس گیا، آتش زدگی کا سب الیکٹرک مصنوعات میں آگ لگنا بتایا گیا ہے۔

مقامی خبررساں ادارے کا کہنا تھا کہ آتشزدگی کے واقعے ہلاک ہونے والے بچے کے والدین نے شیرخوار کے کمرے کا ایئر کنڈیشن چلا کر چھوڑ دیا تھا، جس میں اچانک آگ بھڑک اٹھی۔

فوجیرہ پولیس کا کہنا ہے کہ الفیصل کے علاقے سے گھر میں آتشزدگی کی اطلاع موصول ہوئی تھی جس کے بعد ہنگامی خدمات انجام دینے والا عملہ اورریسکیو اہلکار فوری طور پرجائے حادثہ پرپہنچے اورآگ پرقابو پانے کی کوشش شروع کردی تھی۔

فجیرہ پولیس ترجمان کرنل ڈاکٹر سعید حسنی کا کہنا ہے کہ الفیصل ٹاؤن کے گھر میں لگنے والی آگ نے صرف ایک کمرے کو نقصان پہنچایا ہے تاہم کمرے میں سوتا ہوا بچہ آگ کی لپیٹ میں آکر بری طرح جھلس گیا تھا۔

پولیس ترجمان کا کہنا تھا کہ ریسکیو اہلکاروں نے متاثرہ بچے کو اسپتال منتقل کیا، تاہم وہ جانبر نہ ہوسکا۔

یاد رہے کہ ایک ہفتہ قبل متحدہ عرب امارات کے دارالحکومت ابوظہبی میں واقعہ ال زاحیہ نامی علاقے میں واقع رہائشی عمارت میں پیش آنے والے آتش زدگی کے سانحے میں ایک 10 سالہ ایشیائی لڑکی‘ دم گھٹنے سے جاں بحق ہوگئی جبکہ دو افراد دم گھٹ جانے کے سبب نازک حالت میں اسپتال منتقل کیے گئےتھے۔

Comments

comments

یہ بھی پڑھیں