اسلام آباد: نیشنل انسٹیٹیوٹ آف ہیلتھ (این آئی ایچ) کا کہنا ہے کہ کرونا انفیکشن کے باعث ملک بھر میں گزشتہ چوبیس گھنٹوں کے دوران مزید 7 مریضوں کا انتقال ہو گیا ہے۔
تفصیلات کے مطابق ملک بھر میں کووِڈ نائنٹین کی وبا ایک بار پھر سر اٹھانے لگی ہے اور کیسز میں اضافہ دیکھنے میں آ رہا ہے، اموات میں بھی معمولی اضافہ دیکھا گیا ہے، جس کے بعد حکومت کی جانب سے ایس او پیز پر عمل پر ایک بار پھر زور دیا جا رہا ہے۔
COVID-19 Statistics 22 July 2022
Total Tests in Last 24 Hours: 23,035
Positive Cases: 679
Positivity %: 2.95%
Deaths: 07
Patients on Critical Care: 166— NIH Pakistan (@NIH_Pakistan) July 22, 2022
این آئی ایچ کے مطابق گزشتہ چوبیس گھنٹوں کے دوران ملک بھر میں کرونا وائرس کے مزید 679 کیس رپورٹ ہوئے ہیں، جب کہ 24 گھنٹوں کے دوران 23 ہزار 35 ٹیسٹ کیے گئے، جن میں کرونا کیسز کی شرح 2.95 فی صد رہی۔
ملک بھر میں کرونا انفیکشن کے شکار 166 مریضوں کی حالت تشویش ناک بتائی جا رہی ہے۔ یاد رہے کہ گزشتہ روز کرونا انفیکشن سے 3 اموات، بدھ کو 7، جب کہ 18 جولائی کو 5 اموات ہوئی تھیں۔
