گجرات: ق لیگ کے رہنما چوہدری وجاہت حسین سمیت 4 افراد کے خلاف اقدام قتل کا مقدمہ درج کرلیا گیا ہے۔
اے آر وائی نیوز کے مطابق ق لیگی رہنما چوہدری وجاہت حسین، بیٹے موسیٰ الٰہی سمیت 4 افراد کے خلاف مقدمہ درج کیا گیا ہے جبکہ مقدمہ تھانہ کڑیانوالہ میں ن لیگی رہنما کی مدعیت میں درج کیا گیا ہے۔
ن لیگی رہنما نے الزام عائد کیا ہے کہ چوہدری وجاہت نے قتل کروانے کی کوشش کی۔
چوہدری وجاہت حسین سمیت 4 افراد کیخلاف اقدام قتل کا مقدمہ درج#ARYNews pic.twitter.com/2lOADwlLeY
— ARY NEWS (@ARYNEWSOFFICIAL) March 20, 2023
چوہدری محمد علی گجر کی پہلے مقدمے میں آج پیشی تھی جس دوران باپ اور بیٹے عدالت میں پیش ہوئے وہاں سے واپسی پر ایک اور مقدمہ چوہدری وجاہت حسین پر اسی تھانے میں درج کروایا گیا ہے۔
ن لیگی رہنما کی جانب سے ایف آئی آر میں موقف اپنایا گیا ہے کہ ایک اشتہاری ملزم کے ذریعے انہوں نے قتل کروانے کی کوشش کی ہے۔
واضح رہے کہ فائرنگ کا واقعہ 23 جنوری کو پیش آیا، جس کا مقدمہ تھانہ کڑیانوالہ میں 10 روز بعد درج ہوا تھا۔