کراچی: صوبہ سندھ کے ضلع مٹیاری کے 2 کالجز کے 8 اسٹاف ممبران کرونا وائرس کا شکار ہوگئے۔
تفصیلات کے مطابق وزیر تعلیم سندھ سعید غنی نے سماجی رابطے کی ویب سائٹ ٹویٹر پر اپنے پیغام میں کہا کہ صوبہ سندھ کے ضلع مٹیاری کے 2 کالجز کے 8 اسٹاف ممبران میں کرونا کی تشخیص ہوئی ہے۔
سعید غنی کا کہنا تھا کہ کرونا کیسز سامنے آنے پر ضلع مٹیاری کے دونوں کالجز کو بند کر دیا گیا ہے۔
8 staff members tested Covid positive in two colleges of District Matiari. Both Colleges have been closed.
— Senator Saeed Ghani (@SaeedGhani1) September 17, 2020
پشاور : اسکول کھلنے کا دوسرا روز ، 8 اساتذہ میں کورونا وائرس کی تصدیق
اس سے قبل گزشتہ روز پشاور کے گورنمنٹ ہائر سیکنڈری اسکول راشکئی کے آٹھ اساتذہ میں کرونا وائرس کی تصدیق ہوئی تھی ، جس کے بعد تمام متاثرہ اساتذہ کو 15 دن کی چھٹی پرگھر بھیج دیا گیا تھا۔
واضح رہے کہ دو روز قبل ملک بھر میں کرونا وائرس کے باعث چھ ماہ سے بند تعلیمی ادارے کھل گئے تھے۔پہلے مرحلے میں احتیاطی تدابیر کے ساتھ ثانوی واعلیٰ ثانوی اسکول،کالج اور یونیورسٹیاں کھولی گئی تھیں۔
