راولپنڈی: زرمیلان میں سیکیورٹی فورسز کے آپریشن میں 8 دہشت گرد ہلاک ہو گئے۔
آئی ایس پی آر کے مطابق سیکیورٹی فورسز نے جنوبی وزیرستان کے علاقے زرمیلان میں انٹیلیجنس بیسڈ آپریشن کیا، آپریشن کے دوران فائرنگ کا تبادلہ ہوا جس میں آٹھ دہشت گرد ہلاک ہو گئے۔
آئی ایس پی آر کا کہنا ہے کہ ہلاک دہشت گردوں سے ہتھیار اور گولیاں برآمد ہوئی ہیں، جب کہ ہلاک دہشت گرد فورسز اور شہریوں کے قتل میں ملوث تھے۔
دہشت گردوں کے ساتھ فائرنگ میں لائنس نائیک شعیب علی اور سپاہی رفیع اللہ بہادری سے لڑتے ہوئے شہید ہو گئے۔ آئی ایس پی آر نے کہا ہے کہ سیکیورٹی فورسز دہشت گردی کے خاتمے کے لیے پرعزم ہیں، جوانوں کی قربانیاں ہمارے عزم کو مزید مضبوط بناتی ہیں۔
Comments
- Advertisement -
