آرمی چیف جنرل عاصم منیر سے اپیل کے بعد پاکستانی نژاد کینیڈٰن شہری کی زمین قبضہ مافیا سے واگزار کروالی گئی۔
اے آر وائی نیوز پاکستانی نژاد کینیڈٰن شہری قاضی لیاقت حسین کی آواز بن گیا، آرمی چیف جنرل عاصم منیر سے اپیل کے بعد پاکستانی نژاد کینیڈین شہری کی 16 ایکڑ اراضی قبضہ مافیا سے واگزار کروالی گئی۔
قاضی لیاقت حسین نے اے آر وائی نیوز کے ذریعے آرمی چیف سے نوٹس لینے کی اپیل کی تھی۔
2020 سے کینیڈین شہری کی حب ڈیم کے قریب اراضی قبضہ مافیا نے ہتھیا لی تھی، قاضی لیاقت حسین کا کہنا ہے کہ میری اراضی واگزار ہوئی جس سے سمندر پار پاکستانیوں کو حوصلہ ملا ہے۔
انہوں نے کہا کہ نارتھ امریکا میں مقیم پاکستانی آرمی چیف کے کردار سے خوش ہوئے ہیں، تاجر رہنما محمود حامد کی موجودگی میں اراضی واگزار ہوئی۔
قاضی لیاقت نے کہا کہ قبضہ مافیا اب دھمکیاں دے رہا ہے پولیس نوٹس لے۔
