اتوار, فروری 9, 2025
اشتہار

سب سے طویل عرصہ ائیر ہوسٹس کی ملازمت : 86سالہ خاتون کا نیا ریکارڈ

اشتہار

حیرت انگیز

بوسٹن : امریکی ریاست میساچوسٹس کے شہر بوسٹن کی رہائشی 86سالہ معمر خاتون نے اس عمر میں نیا ریکارڈ بنا کر دنیا کو حیران کردیا۔

86سالہ امریکی خاتون بیٹ نیش جو گزشتہ 65 سال سے مختلف ایئرلائینز میں بحیثیت فلائٹ اٹینڈنٹ اپنے فرائض انجام دے رہی ہیں، کو گنیز ورلڈ ریکارڈ نے دنیا کی سب سے طویل خدمت کرنے والی فلائٹ اٹینڈنٹ قرار دیا ہے۔

گنیز ورلڈ ریکارڈ نے تصدیق کی ہے کہ انہوں نے1957 میں ایسٹرن ایئر لائنز کے لیے بطور فلائٹ اٹینڈنٹ کے طور پر کام کرنا شروع کیا تھا اور آج وہ امریکن ایئرلائنز میں ملازمت جاری رکھے ہوئے ہیں،

اس حوالے سے میڈیا سے گفتگو کرتے ہوئے بیٹ نیش نے کہا کہ انہوں نے اپنے کیریئر کا زیادہ تر حصہ نیویارک، بوسٹن، واشنگٹن شٹل پر کام کرتے ہوئے گزارا ہے کیونکہ اس سے وہ اپنے بیٹے کی دیکھ بھال کے لیے رات کو گھر واپس آسکتی ہیں جو جسمانی طور پر معذور ہے۔

گنیز بک آف ورلڈ ریکارڈ کی انتطامیہ کا کہنا ہے کہ نیش کو اس وقت دنیا کی سب سے پرانی فلائٹ اٹینڈنٹ کا اعزاز بھی حاصل ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں