لاہور سمیت پنجاب میں نمونیہ کے مریضوں میں اضافہ ہونے لگا، 24 گھنٹوں میں مزید 9 بچوں کی اموات رپورٹ ہوئیں۔
تفصیلات کے مطابق اسموگ اور خشک سردی میں نمونیہ اموات اور کیسز میں اضافہ جاری ہے، لاہور میں گزشتہ چوبیس گھنٹوں میں 2 بچے جاں بحق ہوئے جس کے بعد نمونیہ سے جاں بحق بچوں کی مجموعی تعداد 188 تک پہنچ گئی ہے۔
گذشتہ چوبیس گھنٹوں میں پنجاب میں نمونیہ کے مزید 275 کیسز اور لاہور میں 155 کیسز رپورٹ ہوئے جس کے بعد لاہور میں مجموعی کیسز کی تعداد 1430 جبکہ پنجاب میں مجموعی طور پر 8140 سے زائد کیسز رپورٹ ہوئے ہیں۔
لاہور کے اسپتالوں میں نمونیہ، چیسٹ انفیکشن اور وائرل انفیکشن کے سیکڑوں بچے زیر علاج ہیں، چلڈرن اسپتال میں 60 سے زائد بچے زیر علاج ہیں جبکہ جناح اسپتال، سروسز، جنرل اور گنگا رام ہسپتال میں بھی سیکڑوں بچے زیر علاج ہیں۔
ذرائع کا بتانا ہے کہ عام مارکیٹ میں نمونیہ ویکسین اور ادویات عدم دستیاب ہے، ادویات کی عدم دستیابی سے مریضوں کو شدید مشکلات کا سامنا ہے۔
