The news is by your side.

Advertisement

کراچی: مزید 9 مریضوں میں چکن گونیا کی تصدیق

کراچی: قومی ادارہ برائے صحت اسلام آباد نے مزید 9 مریضوں میں چکن گونیا کی تصدیق کردی جس کے بعد کراچی میں چکن گونیا نامی بیماری میں مبتلا مریضوں کی تعداد 19 ہوگئی۔

تفصیلات کے مطابق کراچی سے موصول ہونے والے 9 مریضوں کے خون کے نمونوں میں وائرس چکن گونیا کی تصدیق ہو گئی جس کے بعد چکن گونیا کے مریضوں کی تعداد بڑھتے ہوئے 19 ہو گئی ہے۔


*کراچی،ملیر کے تین مریضوں میں چکن گونیا کی تصدیق


واضح رہے کہ سندھ گورنمنٹ اسپتال سعود آباد کی انتظامیہ نے شک کی بنیاد پر 11 مریضوں کے خون کے نمونے قومی ادارہ برائے صحت اسلام آباد بھجوا ئے تھے۔


*چکن گونیا وائرس: قومی ادارہ برائے صحت کی ہنگامی ایڈوائزری جاری


سندھ گورنمنٹ اسپتال کے ایم ایس کا کہنا ہے کہ سخت سردی، جسم اور جوڑوں میں درد اور سر درد کی شکایات پر داخل کردہ مریضوں میں سے 11 کے خون کے نمونے چکن گونیا وائرس کی تصدیق کے لیے قومی ادارہ برائے صحت بھجوائے تھے جن میں سے 9 مریضوں کی مثبت رپورٹ آئی ہے۔


*چکن گونیا کیا ہے؟ علامات اور علاج سے آگاہی حاصل کریں


یاد رہے کہ گزشتہ چند ماہ سے کراچی میں عموماً اور ملیر میں خصوصاً نئے طرح کی بیماری کا انکشاف ہوا تھا ڈینگی بخار سے ملتی جلتی علامات کے ساتھ سندھ گورنمنٹ اسپتال سعود آباد آنے والوں مریضوں میں سے اکثر مریضوں میں نئی بیماری چکن گونیا کی تصدیق ہوئی تھی۔


*کراچی میں چکن گونیا نامی بیماری کی وبا پھیل گئی، ڈاکٹرز بھی متاثر


ڈاکٹرز کا کہنا تھا کہ اس بیماری کی علامات میں شدید سر درد، جسم اور جوڑوں میں درد شامل ہیں جب کہ ایسے مریضوں کو سادہ پینا ڈول کے استعمال کی ہدایات جاری کیں تھیں۔

Print Friendly, PDF & Email

Comments

comments

یہ بھی پڑھیں