The news is by your side.

Advertisement

کار چلانے کے شوق میں بڑی واردات، بچے نے پولیس کی دوڑیں لگوا دیں

کراچی: کار چلانے کے شوق میں ایک 9 سالہ بچے نے بڑی واردات کر ڈالی، جس کے بعد پولیس کی بھی دوڑیں لگ گئیں۔

اے آر وائی نیوز کے مطابق کراچی کے علاقے خیابان مجاہد فیز 5 میں ایک بچے نے کار چوری کر لی، پولیس نے اطلاع ملتے ہی کار کا تعاقب کر کے اسے روک لیا، لیکن گاڑی کے اندر ایک نو سالہ بچے کو دیکھ کر حیران رہ گئی۔

رپورٹ کے مطابق ڈسٹرکٹ ساؤتھ میں درخشاں پولیس کی دوڑیں لگوانے والے بچے بلال کو سی ویو سے گرفتار کیا گیا، پولیس نے بچے کے والدین کو تھانے طلب کر لیا، پولیس کا کہنا تھا کہ کم عمر ملزم بلال مچھر کالونی کا رہائشی ہے۔

اے آر وائی نیوز نے کاری چوری کی اس واردات کی سی سی ٹی وی فوٹیج بھی حاصل کر لی، جسے دیکھنے کے بعد یہ سوال اٹھا کہ بچہ ماہر کار لفٹر ہے یا محض ایک چھوٹے بچے کی شرارت۔

بلال نامی بچہ خیابان مجاہد فیز 5 سے کار چوری کرتے ہوئے

فوٹیج کے مطابق 9 سالہ بلال نے کار کا دروازہ چند ہی سیکنڈز میں مہارت سے کھولا، اور پھر اندر بیٹھ کر کار بھی اسٹارٹ کر لی اور دوڑا دی۔

درخشاں، کراچی پولیس کے ہاتھوں گرفتار بچہ 9 سالہ بلال

پولیس کا کہنا ہے کہ بلال نے خیابان مجاہد فیز 5 سے کار چوری کی تھی، پولیس کنٹرول پر اطلاع ملتے ہی پر گشت پر مامور پولیس الرٹ ہو گئی، جب پولیس نے کار روک کر اسلحہ تانا تو اندر سے ایک بچہ نکلا، اہل کار بچے کو دیکھ کر حیرت زدہ رہ گئے۔

یہ کہا جا رہا ہے کہ شرارتی بچے نے کار چلانے کے شوق میں کار لے اڑی تھی۔

Comments

یہ بھی پڑھیں