اسلام آباد : کسٹم حکام نے وزارت داخلہ کو سپر ماڈل ایان علی کا نام ای سی ایل میں ڈالنے کے لیے درخواست دے دی
ماڈل گرل ایان علی کے کرنسی اسمگلنگ کیس میں ایک نئی پیش رفت سامنے آئی ہے۔
کسٹم کے انویسٹی گیشن اینڈ پراسیکیوشن برانچ نے ایان علی کا نام ای سی ایل میں ڈالنے کے لیے وزارت داخلہ کو درخواست دے دی ہے۔
درخواست کا مقصد ماڈل کو بیرون ملک فرار ہونے سے روکنا ہے۔ ذرائع کا کہنا ہے کہ ماڈل گرل پر اسپیشل کسٹم جج کی عدالت میں اکیس اگست کو فرد جرم عائد کیےجانے کا امکان ہے۔
- Advertisement -
واضح رہے کہ چھ سال کے فنی کریئر میں شہرت کی بلندیوں کو چھونے والی 22 سالہ ماڈل ایان علی کی گرفتاری سے لے کر چار ماہ بعد ضمانت پر رہائی تک پاکستانی ذرائع ابلاغ پر اس معاملے کا خوب چرچا رہا۔
جب کہ سوشل میڈیا پر بھی آئے روز نت نئی بحث چھڑتی رہی۔
