بغداد: عراقی ائیرفورس نے ایف سولہ جنگی طیاروں سے پہلی بار داعش کے ٹھکانوں پر کامیابی سے فضائی حملے کیے۔
بغداد میں میڈیا سےگفتگو میں عراقی وزیردفاع خالدالعُبیدی نےکہا ہے کہ عراقی پائلٹس پرمشتمل عملے نے پہلی بار چار امریکی جنگی طیارے ایف سولہ کی کامیاب اڑان بھرتے ہوئے داعش کے ٹھکانوں کونشانہ بنایا ہے۔
وزارتِ دفاع کی جانب سے جاری کردہ فوٹیج میں ایف سولہ طیاروں کو داعش کیخلاف کارروائی کرتے ہوئے دکھایا گیا ہے۔
- Advertisement -
عراقی فضائی بیڑے میں ایف سولہ طیارے رواں سال جولائی میں شامل ہوئے تھے،عراقی پائلٹس کے پہلے چھتس رکنی بیچ نے ایف سولہ جنگی طیاروں کی تربیت امریکی پائلٹس سے لی، جہاں دوران تربیت عراقی فوج کا ایک جنرل طیارہ کریش ہونے ہلاک ہوگیا تھا۔
