ورجینیا: پاکستان کی معروف اداکارہ اور ماڈل وینا ملک دوسری مرتبہ ماں بن گئی ہیں۔ اس بار اللہ تعالیٰ نے انھیں بیٹی کی رحمت سے نوازا ہے۔
تفصیلات کے مطابق پاکستانی اداکارہ وینا ملک دوسری بار ماں بن گئی ہیں۔ اس بار ان کے یہاں بیٹی کی پیدائش ہوئی ہے۔ ذرائع کے مطابق زچہ اور بچہ کی صحت ٹھیک ہے۔
جوڑے نے اپنی بیٹی کے ہمراہ تصویریں سوشل میڈیا ویب سائٹس پر جاری کی ہیں جس میں دونوں خوش نظر آ رہے ہیں۔
یاد رہے کہ وینا ملک اور بشیر خان کی شادی دسمبر 2013ء میں سرانجام پائی تھی۔ دونوں کے یہاں پچھلے سال 22ستمبر کو بیٹے کی پیدائش ہوئی تھی جس کا نام معروف اسکالر اور عالم دین مولانا طارق جمیل نے ابراہیم خان خٹک رکھا تھا۔
وینا ملک کو ماضی میں ان کے متنازعہ تصاویر کے باعث شدید تنقید کا نشانہ بنایا گیا دوسری جانب عدالت جیو کے مارننگ شو میں توہین آمیز پروگرام کیس میں وینا ملک اور ان کے شوہر اسد خٹک کو اشتہاری قرار دے چکی ہے۔
