کراچی : سابق صدرپرویز مشرف نے کہا ہے افغانستان کی سرزمین پاکستان کے خلاف استعمال کی جا رہی ہے، بھارتی وزیراعظم نریندر مودی پاکستان سے مذاکرات نہیں چاہتے۔
کراچی میں کونسل آن فارن ریلیشن کی تقریب سے خطاب میں پرویزمشرف کا کہنا تھا کہ پاکستان اور بھارت کے تنازع کے باعث سارک ممالک کی نمائندہ تنظیم غیر موثر ہوگئی ہے، پاکستان کی صورتحال خراب کرنے کے لیے افغانستان کو استعمال کیا جارہا ہے۔
پاک بھارت تعلقات پر بات کرتے ہوئے پرویز مشرف کا کہنا تھا بھارتی وزیر اعظم نریندر مودی مزاکرات کے موڈ میں نہیں۔
پرویز مشرف نے کہا پاکستان اپنی سلامتی اور خود مختاری اور عزت پر کسی قسم کا سمجھوتہ نہیں کریگا، مودی جتنی جلد یہ بات سمجھ لیں اچھا ہوگا، بھارت پاکستان سے تجارت کرنے میں بھی مخلص نہیں ۔
پرویز مشرف نے کہا کہ بھارت کی اسی فیصد آرمی نوے فیصد فضائیہ اور ساٹھ فیصد نیوی پاکستان کیلئے تعینات ہے.
