لاہور:جماعت اسلامی نے ضمنی الیکشن میں تحریک انصاف کی واضح حمایت کا اعلان کردیا ہے.
جماعت اسلامی لاہور کے امیر میاں مقصود نے کہا ہے کہ جماعت اسلامی گیارہ اکتوبر کو تحریک انصاف کے امیدوار کی حمایت کرے گی.
اے آر وائی نیوز سے خصوصی گفتگو کرتے ہوئے میاں مقصود کا کہنا تھا کہ تحریک انصاف کے امیدوار علیم خان کی حمایت کا فیصلہ جماعت اسلامی کی مرکزی شوری نے کیا ہے اور علیم خان کی حمایت پر جماعت اسلامی میں کوئی اختلاف نہیں.
ان کا کہنا تھا کہ علیم خان کی حمایت نہ کرنے کی افواہیں ووٹ لینے کی ناکام کوشش ہیں، سردار ایاز صادق وضاحت کریں کہ جماعت اسلامی کے کس ذمہ دار نے ان کی حمایت کی ہے۔
میاں مقصود نے کہا کہ سیاست میں جھوٹی افواہیں یا غلط بیانی نہیں ہونی چاہیے.
