جکارتا: بھارت میں جرائم کی دنیا کا انتہائی مطلوب شخص جس پرکئی قتل کے الزامات ہیں، کئی سال بعد بالاخر انڈونیشیا سے گرفتار کرلیا گیا۔
بھارتی میڈیا کی رپورٹس کے مطابق مذکورہ شخص کا نام ’چھوٹا راجنُ‘ ہے اور وہ بھارت کے تجارتی شہر ممبئی میں ایک جرائم پیشہ گروہ کا سرغنہ ہے۔
انڈونیشن پولیس کے مطابق آسٹریلوی پولیس سے ملنے والی ایک خبر کی بناء پر راجندر سدا شیو نکلجے نامی اس مجرم کو بالی شہر کے ایک ریزورٹ سے گرفتار کیا گیا۔
- Advertisement -
واضح رہے کہ چھوٹا راجن سن 1995 سے انٹرپول کو مطلوب ہے اور اس پر بھارت میں 15 سے 20 افراد کے قتل کا الزام ہے۔
انڈونیشین پولیس کے مطابق مذکورہ کرائم باس کو بھارت کے حوالے کیا جائے گا۔
