دبئی: آئی سی سی نے ویسٹ انڈیز کے آل راؤنڈ مارلون سمیوئلز کا بولنگ ایکشن غیر قانونی قرار دیتے ہوئے ان پر ایک سال کی پابندی عائد کردی ہے۔
ویسٹ انڈیز کے آل راؤنڈر مارلون سمیوئلز کا بولنگ ایکشن سری لنکا کیخلاف گال میں کھیلے گئے پہلے ٹیسٹ کے دوران رپورٹ کیا گیا تھا، برسبین میں ہونے والے بائیو مکینک ٹیسٹ کی رپورٹ کے مطابق ویسٹ انڈین کرکٹر کے بازو کا خم پندرہ ڈگری سے زیادہ ہے۔
چوتیس سالہ آل راؤنڈر اپنا ایکشن درست کیے بغیر انٹرنیشنل کرکٹ نہیں کھیل پائینگے۔
یہ تیسرا موقع ہے کہ ویسٹ انڈین آل راؤنڈر کا ایکشن مشکوک قرار دیا گیا ہے. دوہزار آٹھ اور دوہزار تیرہ میں بھی وہ بولنگ کرنے سے روکے جاچکے ہیں.
