کابل: افغان وزارت داخلہ کا کہنا ہے کہ ضلع سنگین کو طالبان سے آزاد کرانے کی جنگ جاری ہے، تازہ کارروائی میں مقامی طالبان کمانڈر سمیت پچاس طالبان شدت پسندوں کو ہلاک کردیا گیا۔
افغان حکام کا کہنا ہے کہ امریکہ کی مدد سے کی گئی فضائی کارروائیوں کے بعد افغان سکیورٹی فورسز نے صوبہ ہلمند کے ضلع سنگین کے مرکز سے طالبان کو باہر دھکیل دیا ہے تاہم اب بھی ضلع سنگین کے کچھ علاقوں میں طالبان جنگجو سرکاری فورسز سے لڑائی کر رہے ہیں۔
دوسری جانب افغان فورسز صوبہ ہلمند کے دیگر علاقوں میں بھی شدت پسندوں کے خلاف کارروائی شروع کرنے کی تیاری کر رہی ہیں۔
- Advertisement -
طالبان جنگجوؤں نے گزشتہ اتوار کو ہلمند کے اہم ضلع سنگین پر حملہ کر کے اہم مقامات پر قبضہ کرلیا تھا جب کہ بعض مقامات پر افغان سکیورٹی فورسز کو محاصرے میں بھی لے لیا تھا.
