جیکب آباد کے قریب شاہ زین بگٹی کے قافلے میں شامل گاڑی حادثے کا شکار ہوگئی، جس کے نتیجے میں دو افراد جاں بحق جبکہ خاتون سمیت گیارہ افراد زخمی ہوگئے۔
ریسکیو ذرائع کے مطابق کوئٹہ سے ڈیرہ بگٹی جانے والی شاہ زین بگٹی کے قافلے میں شامل گاڑی جیکب آباد بائی پاس کے قریب الٹ گئی، جس کے نتیجے میں دوافراد موقع پر ہی جاں بحق جبکہ خاتون سمیت گیارہ افراد زخمی ہوگئے۔
ایس ایچ او تھانہ صدر کے مطابق پولیس نے موقع پر پہنچ کر جاں بحق افراد اور زخمیوں کو اسپتال منتقل کردیا ہے۔
