بھارتی وزیر ششی تھرور کی اہلیہ کی موت معمہ بن گئی، ڈاکٹروں کے مطابق موت کی وجہ زیادہ مقدار میں خواب آور ادویات کا استعمال بھی ہوسکتا ہے جبکہ اس سے قبل ان کی موت کو غیر طبعی قرار دیا گیا تھا۔
بھارتی وزیر ششی تھرور کا پاکستانی خاتون صحافی سے معاشقے کا اسکینڈل سامنے آنے کے بعد بھارتی وزیر کی اہلیہ سونندا پشکر نئی دہلی کے ایک ہوٹل میں مردہ پائی گئیں، وہ ششی تھرو کی تیسری بیوی تھیں۔
ششی تھرور کے دوست حُسین حقانی نے سنندا پشکرکی موت پرافسوس کا اظہار کرتے ہوئے کہا کہ ششی تھرور اور سنندا کے خاندانوں کیلئے یہ بڑا سانحہ ہے، جس کا ہر ایک کو دکھ اور افسوس ہے۔
ششی تھرور نے وزیر داخلہ کو خط لکھ کر تفتیش کے حوالے سے ہر طرح کے تعاون کی یقین دہانی کرائی ہے، ڈاکٹروں کے مطابق ان کی موت خواب آور ادوایات کی زیادتی بھی ہوسکتی ہے۔
اس سے قبل ڈاکٹروں نے بھارتی وزیر کی اہلیہ کی موت کو غیر طبعی قرار دیا تھا، دلی پولیس کو ان کے کمرے سے خواب آور ادوایات کے پیکٹس بھی ملیں ہیں۔
سینئر ڈاکٹر سدھیر گپتا کا کہنا ہے کہ سنندا پشکر کے خون کے نمونے بھی حاصل کئے گئے ہیں تاکہ دیکھا جاسکیں خواب آور ادویات سے کتنا زہر پھیلا ہے۔
