گجرات : بھارتی ریاست گجرات میں دس دہشت گردوں کے داخل ہونے کی اطلاع پر ہائی الرٹ کردیا گیا ہے۔
تفصیلات کے مطابق وزیراعظم نریندرا مودی کی آبائی ریاست گجرات میں بڑے پیمانے پر دہشتگردی کے خطرے کی اطلاع ملی ہے.
بھارتی میڈیا کا کہنا ہے کہ دس دہشت گردوں کے داخل ہونے کی اطلاع پاکستان کے نیشنل سیکیورٹی ایڈوائزر ناصرجنجوعہ نے اپنے بھارتی ہم منصب کو دی تھی۔
- Advertisement -
پاکستانی انٹلیجنس کی معلومات کے بعد گجرات میں ہائی الرٹ کردیا گیا ہے۔ اور اہم عمارتوں کی سخت نگرانی کی جارہی ہے جبکہ سیکیورٹی فورسز کے اضافی دستے بھی ریاست میں بھیج دیئے گئے ہیں۔
بھارتی میڈیا کا کہنا ہے کہ گجرات میں داخل ہونے والے دہشت گرد اہم مقامات کو نشانہ بناسکتے ہیں۔
