کراچی : کرنسی اسمگلنگ کےالزام میں ضمانت پررہا ماڈل ایان علی کانام ای سی ایل سے خارج کردیا گیا۔
تفصیلات کے مطابق ایان علی کی کوششیں رنگ لے آئیں۔ منی لانڈرنگ کیس میں ضمانت پر رہا ئی کے بعد سندھ ہائیکورٹ نے ماڈل گرل ایان علی کا نام ای سی ایل سی خارج کرنے اور بیرون ملک جانے کی اجازت دے دی ہے۔
ماڈل ایان علی کا نام ای سی ایل میں ڈالنے کے خلاف سندھ ہائی کورٹ میں درخواست کی سماعت ہوئی۔
- Advertisement -
ایان علی کا درخواست میں کہنا تھا کہ دبئی میں جانا ضروری ہے ان کی والدہ بیمارہیں اورکاروبار بھی متاثر ہورہاہے۔ لہٰذا ان کا نام ای سی ایل سے خارج کیا جائے۔
ایان علی کے وکیل نے عدالت میں موقف اختیار کیا تھا کہ ان کے موکل کی ضمانت منظور ہوچکی ہے اس کے باوجود ای سی ایل میں ان کا نام شامل رکھنا بدنیتی پر مبنی ہے۔
