ویلیٹا : پاناما لیکس کے انکشافات نے مالٹا میں بھی ہنگامہ برپا کردیا ہے۔ مالٹا میں ہزاروں افراد نے مظاہرے کے دوران وزیراعظم جوزف مسکت سے استعفےکا مطالبہ کیا ہے۔
تفصیلات کے مطابق پاناما لیکس میں وزیراعظم مالٹا کی کابینہ سے دو وزرا کے آف شوراکاؤنٹس ہونے کا انکشاف کیا گیا ہے۔ جس پر ہزاروں افراد وزیراعظم کیخلاف سڑکوں پرنکل آئے۔
ویلیٹا میں ہونے والے مظاہرے میں شرکاء کا کہنا تھا کہ وزیراعظم کو اخلاقی طور پر حکومت کرنے کا کوئی اختیار نہیں رہا۔ انہیں فوری مستعفی ہو جانا چاہیئے۔
- Advertisement -
اس موقع پر مظاہرین نے حکومت کیخلاف خوب نعرے بازی کی،انہوں نے کہا کہ کرپٹ حکمرانوں کو کسی صورت برداشت نہیں کیا جائے گا۔
