اسلام آباد: وزیراعظم لندن میں چیک اپ کے بعد وطن واپس پہنچ گئے، اسلام آباد ایئرپورٹ پر وزیر خزانہ اسحاق ڈار اور دیگر نے ان کو ریسیو کیا ۔
وزیر اعظم لندن سے سات گھنٹے چالیس منٹ کا سفر طے کر کے واپس وطن پہنچ گئے، اسلام آباد ایئرپورٹ پر اترے تو وزیر خزانہ اسحاق ڈار طارق فاطمی اور دیگر استقبال کیلیے کھڑے تھے سب سے گرمجوشی سے مصافحہ کیا وزیر اعظم لندن میں چیک اپ کیلیے موجود تھے ۔
ڈاکٹرز نے طبعیت کی بہتری کے بعد سفر کی اجازت اور فالواپ کیلئے تین مہینےبعد کی تاریخ بھی دے دی ، واپسی سے پہلے وزیراعظم نےامید ظاہرکی پاناما تحقیقات پر کمیشن بن جائے گا وزیراعظم کی وطن واپسی نے تمام افواہوں کا گلا گھونٹ دیا۔
واضح رہے کہ وزیر اعظم نوازشریف کی لندن روانگی کے بعد وزیرداخلہ نے بریفنگ میں بتایاکہ وزیر اعظم کا دل کچھ ٹھیک نہیں، وزیراعظم چیک اپ کیلئے نہیں علاج کیلئے گئے ہیں۔
