لاہور: شہر کی تمام یونین کونسلز میں انسداد پولیو مہم دوسرے روز بھی جاری ہے۔انسداد پولیو مہم میں تنتالیس سو ٹیمیں حصہ لے رہی ہیں۔
ضلعی انتطامیہ کا کہنا ہے کہ مہم کے دوران پندرہ لاکھ اکہتر ہزار بچوں کو پولیو کے قطرے پلائے جا رہے ہیں۔جس کے لیئےانسداد پولیو مہم کے لئے ٹاون کی سطح پر ٹیمیں تشکیل دی گئی ہیں، جوکہ ٹاؤن ایڈمنسٹریٹر کی زیرِ نگرانی کام کر رہی ہیں۔
تفصیلات کے مطابق انسداد پولیو مہم کی ٹیمیں دوسرے روز بھی گھر گھر جا کر پانچ سال سے کم عمر بچوں کو پولیو کےقطرے پلارہی ہیں۔
دوسری طرف لاہور ریلوے اسٹیشن ،لاڑی اڈہ شہر کے داخلی اور خارضی راستوں پر بھی انسداد پولیو مہم کے کیمپ قائم کیے گئے ہیں۔ جہاں دیگر شہروں سے آنے والے پانچ سال تک کی عمر کے بچوں کو پولیو کے قطرے پلائے جا رہے ہیں۔
ضلعی انتظامیہ نے مزید بتایا کہ تمام سرکاری ہسپتالوں میں بھی پولیو مہم کے لیے الگ الگ کیمپ لگائے ہیں.شہر بھرمیں ہیلتھ ورکرز کی سکیورٹی کے لیے پولیس اہلکاروں کو تعینات کیا گیا ہے۔
ڈی سی او لاہور کیپٹن ریٹائرڈ محمد عثمان نے شہریوں اپیل کرتے ہوئے کہا ہے کہ شہری اپنے پانچ سال سے کم عمر بچوں کو پولیو کے قطرے ضرور پلوائیں۔اور پولیو ورکرز کے ساتھ مکمل تعاون کریں.
