لاہور: تحریک انصاف نےلاہورجلسےمیں خواتین سےبدتمیزی کاالزام پنجاب حکومت پرلگادیا.
تفصیلات کے مطابق پاکستان تحریک انصاف کے لاہور جلسے میں خواتین سے بدتمیزی کے واقعہ پر تحریک انصاف کی رہنماعظمیٰ کاردار نے تھانے میں ن لیگ کے خلاف درخواست جمع کرادی.
پاکستان تحریک انصاف کی رہنما عظمی کاردار کا کہنا تھا کہ جلسےکے لئے ہماری سیکورٹی بہت اچھی تھی تاہم دس سے بارہ نامعلوم افراد کی جانب سے خواتین کے ساتھ بدتمیزی کی گئی، عظمی کاردار نے نامعلوم افراد کی ویڈیو پولیس کو فراہم کردی.
انہوں نے کہا کہ خواتین سے بدتمیزی کے واقعے کی ذمہ دار پنجاب حکومت ہے جس نے فول پروف سیکورٹی فراہم کرنے کا کہا تھا.
یاد رہے اس سے قبل تحریک انصاف کے اسلام آباد میں ہونے والے جلسے میں خاتون کے ساتھ بدتمیزی کا واقعہ ریکارڈ کیا گیا تھا جس کے بعد تحریک انصاف کی جانب سے جلسے میں باؤنسرز کی خدمات حاصل کرنے کا اعلان کیا گیا تھا.
