استنبول : ترکی کےشہر استنبول میں کاربم دھماکے کےنتیجےمیں آٹھ افراد زخمی ہوگئے جبکہ ایک خاتون کی حالت تشویش ناک ہے.
تفصیلات کے مطابق ترکی کے شہر استنبول میں فوجی بیرکس کے قریب کار بم دھماکہ کیاگیا، دھماکے کے نتیجے میں آٹھ افراد زخمی ہوگئے. استنبول کے گورنر نے تصدیق کی ہے کہ جمعرات کو ہونے والے دھماکے میں فوجی گاڑی کو نشانہ بنایا گیا، جس میں پانچ فوجی اہلکار اور تین شہری زخمی ہوگئے، جبکہ ایک خاتون کی حالت تشویش ناک ہے.
اناطولیہ کے چیف پبلک پراسیکیوٹر کے دفتر نےدھماکے پر تحقیقات کا آغاز کردیا.
ابتدائی اطلاعات کے مطابق ایک کھڑی گاڑی میں دھماکہ خیز مواد نصب کیا گیا، جب فوجی گاڑی وہاں سے گزری توگاڑی کو ریموٹ کنٹرول سے اُڑادیاگیا.
دھماکے میں زخمی ہونے والے افراد کو علاج کے لیئے قریبی اسپتال منتقل کردیا گیا. دھماکے کے بعد سیکورٹی فورسسز کی جانب سے علاقے کی ناکہ بندی کرکے تحقیقات کا آغاز کردیاگیا.
