اسلام آباد: وزیراعظم نواز شریف نے اپنی وطن واپسی تک ڈی جی ایف آئی اے کو کام کرنے کی ہدایت کردی، ان کا کہنا تھا کہ ڈی جی ایف آئی اے محمد عملیش ایماندارافسر ہیں.
تفصیلات کے مطابق وزیراعظم نوازشریف کا کہنا ہے کہ ڈی جی ایف آئی اے محمد عملیش ایک ایماندار اور دیانت دار افسر ہیں، وزیراعظم نے انہیں اپنے وطن واپس آنے تک عہدے پرکام کرنےکی ہدایت کردی ہے.
یادر ہے گذشتہ روز ڈی جی ایف آئی اے محمد عملیش کو وفاقی وزیرداخلہ نے ان کے عہدے سے ہٹا دیا گیا تھا.
گذشتہ روز ڈی جی ایف آئی اے نے ایک اعلیٰ سطحی اجلاس میں شرکت کی، اجلاس کی سربراہی وفاقی وزیرداخلہ چوہدری نثار علی خان نے کی تھی، اجلاس کےدوران ڈی جی ایف آئی اے نے میڈیا میں لیک ہونے والی رپورٹس پر بات کی تووزیر داخلہ کا کہنا تھا اس معاملے کے لیے انکوائری کی جائے گی.
اجلاس کے دوران ڈی جی ایف آئی اےکا کہنا تھا کہ ایسا لگتا ہے کہ میں نے آپ کا اعتماد کھودیا ہے جس پر وفاقی وزیرداخلہ نے جواب دیتے ہوئے کہا کہ میں آپ سے بعد میں بات کروں گا.
اجلاس کے کچھ ہی گھنٹوں کے بعد ڈی جی ایف آئی کے ان کے عہدے سے ہٹا دیا گیا تھا۔ محمد عملیش کو رواں سال مارچ میں ڈی جی ایف آئی کے عہدے پر تعینات کیا گیا تھا.
