ٹوکیو: جی سیون ممالک کا دو روزہ سربراہی اجلاس آج سے شروع ہورہا ہے،جرمن چانسلر انجیلا مارکل اجلاس میں شرکت کیلئے جاپان پہنچ گئی.
تفصیلات کے مطابق عالمی معیشت میں ریڑھ کی ہڈی قرار دیئے جانے والے سات مما لک کی جی سیون گروپ کا دوروزہ سربراہی اجلاس آج جاپان کے سیاحتی جزیرے مائی پرفیکچر میں ہوگا.
اجلاس کی افتتاحی تقریب میں شرکت کیلئے جرمن چانسلر انجیلا مارکل بھی جاپان پہنچ گئی ہے ، جی سیون سربراہی اجلاس کی تمام تر تیاریاں مکمل کرلی گئی ہیں جبکہ دیگر مما لک کے سربراہوں کی آمد کاسلسلہ جاری ہے۔
اس دو روزہ اجلاس میں جاپان سمیت امریکہ، برطانیہ، اٹلی، جرمنی، کینیڈا اور فرانس کے سربراہا ن شریک ہونگے۔جبکہ عالمی مالیاتی فنڈ کے سربراہ اور یورپی یونین کے کمشنر بھی خصوصی طور پر شرکت کررہے ہیں.
اجلاس کے دوران سکیور ٹی کے سخت انتظامات کئے گئے ہیں.
واضح رہے کہ جی سیون گروپ کا آخری اجلاس دو روزہ اجلاس 7 جون 2015 کو جرمنی میں ہوا تھا،جس میں کینیڈا، فرانس، جرمنی، اٹلی، جاپان،انگلینڈ، امریکہ سمیت یورپی یونین نے شرکت کی تھی.
