اسٹاک ہوم: سوئیڈن کی فرم نے جدید ٹیکنالوجی کے استعمال میں ایک قدم آگے بڑھاتے ہوئے ملازمین کے ہاتھوں میں مائیکرو چپ نصب کروا دی۔
اسٹاک ہوم میں گزشتہ برس کاروباری سرگرمی شروع کرنے والے ایک ادارے نے اپنے ملازمین کے ہاتھوں میں مائیکرو چپ نصب کراو دی ہے۔
چاول کے دانے کے برابر مائیکرو چپ کے ذریعہ ملازمین نہ صرف سیکیورٹی چیک دروازے کو کھول سکتے ہیں بلکہ فوٹو کاپیئر سمیت آفس کی دیگر مشینری کا با آسانی استعمال کر سکتے ہیں۔
- Advertisement -
ٹیکنالوجی ایکسپرٹ کے مطابق مائیکرو چپ کی موجودگی سے جسم پر کسی بھی قسم کے کوئی منفی اثرات مرتب نہیں ہوتے۔
کمپنی کے مطابق مائیکرو چپ میں ملازمین کی صحت کے حوالے سے بھی ریکارڈ ڈالا گیا ہے جس سے ڈاکٹرز کو کسی بھی ایمرجنسی کی صورت میں مریض کا طبی ڈیٹا باآسانی مل سکتا ہے۔
