اسلام آباد : دنیا بھر میں آج والد کا عالمی دن منایا جا رہا ہے،اس دن لوگ اپنے والد کے لیے خصوصی پیار کا اظہار کرتے اور تحائف پیش کرتے ہیں،جب کہ مختلف تقاریب میں بچوں کی تربیت اور پرورش میں والد کے کردار پر روشنی ڈالی جاتی ہے۔
تفصیلات کے مطابق فاردز ڈے کو عالمی سطح پر منانے کا خیال سب سے پہلے ایک خاتون سنورا سمارٹ کو آیا جو ماں کے عالمی دن پر ایک تقریب میں شرکت کے دوران آیا،جس کے بعد سے 19 جون 1910 میں واشنگٹن میں والد کا عالمی کا دن منانے کا آغاز ہوا۔
مزید جانیے:آج دنیا بھرمیں ’والد کا عالمی دن‘ منایاجارہا ہے
عام لوگوں کی طرح ملک کے نامور سیاست دان، کھلاڑی اور میڈیا سے تعلق رکھنے والے افراد بھی اس موقع پر اپنے والد کو ہدیہ تہنیت پیش کرتے نظر آتے ہیں،اور اپنے دلی جذبات کا اظہار مختلف طریقوں سے کرتے ہیں۔
Happy Father's Day @AAliZardari You faced 11yrs in prison, torture & lost ur soul mate but never gave up & gave us a democratic #Pakistan.
— BilawalBhuttoZardari (@BBhuttoZardari) June 19, 2016
والد کے عالمی دن کے موقع پر پاکستان پیپلز پارٹی کے چیئرمین بلاول بھٹو زرداری نے اپنے والد اور پیلپلز پارٹی پارلیمینٹرین کے سربراہ آصف علی زرداری کو مبارک باد دی اور اپنے دلی جذبات کو اظہار کرتے ہوئے سماجی ویب سائیٹ پر پیغام دیا کہ آپ نے جمہوریت کے لیے 11 سال جیل کاٹی، تشدد برداشت کیا، لیکن ہار نہیں مانی اور ہمیں جمہوریت کا تحفہ دیا۔
