اسلام آباد :اسپتالوں کی رینکنگ کے عالمی ادارے نے سرکاری اسپتالوں کی رینکنگ جاری کردی،دنیا کے ساڑھے بہترین اسپتالوں میں پاکستان کا کوئی بھی اسپتال شامل نہیں ہے.
تفصیلات کے مطابق عالمی ادارے ’’رینکنگ ویب آف ورلڈ ہاسپیٹل‘‘ نے سرکاری اسپتالوں کی رینکنگ جاری کی ہےجس کے مطابق پاکستان کا کوئی اسپتال بھی دنیا کے ساڑھے5 ہزار بہترین اسپتالوں میں بھی شامل نہیں ہے.
’رینکنگ ویب آف ورلڈ ہاسپیٹل کے مطابق جنوبی ایشیا کے بیس بہترین اسپتالوں میں بھارت کے انیس اور بنگلا دیش کا اسپتال شامل ہےلیکن پاکستان کا ایک اسپتال بھی ان ٹاپ ٹونٹی میں شامل نہیں ہے.
عالمی جاری کردہ اس رینکنگ میں پاکستان کا بہترین پمز اسپتال بھی دنیا میں پانچ ہزارنوسوگیارہ نمبر پر ہے.
ویب آف ورلڈ ہاسپٹلز کی رینکنگ کے مطابق اسلام آباد کا پمز اسپتال پاکستان کا سب سے بہترین اسپتال ہے،جبکہ لاہور کا جناح اسپتال اچھے اسپتالوں میں دوسرے اور سروسز اسپتال تیسرے نمبر پر ہے،چوتھا نمبر پشاور کے لیڈی ریڈنگ اسپتال کا ہے.
واضح رہے کہ ادارہ کی جانب سے جاری کی گئی رینکنگ اسپتال میں موجود سہولیات،میڈیکل ایکوپمنٹ،اسپیشلسٹس کی تعداد،صفائی کے معیار سمیت اس بات پر دی جاتی ہےکہ اسپتال کے ساتھ کتنے اسکالرز تحقیق کر رہے ہیں.
