کراچی : نامز میئر کراچی وسیم اختر کو عدالت کی جانب سے بیرون ملک جانے کی اجازت کے فیصلے کو رینجرز کی جانب سے انسداد دہشت کی عدالت میں چیلنج کردیا گیا۔
تفصیلات کے مطابق رینجرز وکیل کی جانب سے دائر درخواست میں یہ موقف اختیار کیا گیا ہے کہ ’’ملزم وسیم اختر کے بیرون ملک جانے پر تحفظات ہیں، کیونکہ وسیم اختر دہشت گردوں کے علاج و معالجے میں سہولت کار ہیں اور اُن کا کیس زیر سماعت ہے لہذا انہیں باہرجانے کی اجازت نہ دی جائے‘‘۔
رینجرز کی جانب سے خدشہ ظاہر کیا گیا ہے کہ ’’ وسیم اختر مقدمے سے راہ فرار اختیار کرنے کے بیرون ملک جارہے ہیں اور واپس آنے کا ارادہ نہیں رکھتے ہوں‘‘، عدالت نے فریقین کو نوٹس جاری کرتے ہوئے سماعت 30 جون تک ملتوی کردئیے ہیں۔
مزید پڑھیں : وسیم اختر کو بیرون ملک سفر کی اجازت مل گئی
یاد رہے کہ کراچی کے نامزر میئر اور ایم کیو ایم کے رہنما وسیم اختر پر الزام ہے کہ انہوں نے سابق وفاقی وزیر پیٹرولیم سے تعلقات کی بنیاد پر ضیاء الدین اسپتال میں دہشت گردوں کوعلاج اور رہائش کی سہولیات کا انتظام کروایا تھا۔
واضح رہے نامزمیئرکی جانب سے انسداد دہشت گردی کی عدالت میں بیرون ملک روانگی کے حوالے سے درخواست دائر کی گئی تھی، جس میں نامزد میئر نے موقف اختیار کیا تھا کہ ’’ مجھے نجی کام کے سلسلے میں بیرون ملک جانا ہے، جس 20 روز کے لئے اجازت درکار ہے‘‘، عدالت نے وسیم اختر کی درخواست پر فیصلہ محفوظ کرتے ہوئے انہیں بیرون ملک سفر کی اجازت دے دی تھی۔
