لاہور : ہربنس پورہ میں شہریوں نے تین اغواء کاروں کو رنگے ہاتھوں پکڑلیا، تین اغواء کار دو بچوں کو اغواء کرکے لے جارہے تھے کہ پولیس اغواء کاروں کو بچانے پہنچ گئی۔
مشتعل شہریوں نے پولیس وین پر پتھراؤ کردیا، تفصیلات کے مطابق لاہور کے علاقے ہربنس پورہ کینال بینک سوسائٹی میں شہریوں نے تین اغواء کاروں کو رنگے ہاتھوں پکڑلیا۔
بچوں کے اغواء کی وارداتوں سے خوف زدہ شہری اغواء کاروں کو دیکھ کر مشتعل ہوگئے۔ اغواء کاروں کو پکڑا اور اچھی طرح دھنائی کر ڈالی۔
شہریوں کی جانب سے اغواء کاروں کی دھلائی جاری تھی کہ پولیس موقع پر پہنچ گئی اور اغواء کاروں کو زبردستی چھڑوا کر لے گئی۔
پولیس کی اس کارروائی پر شہری اور مشتعل ہوگئے اور پولیس وین پر پتھراؤ کردیا۔
واضح رہے کہ لاہور میں گزشتہ چند ہفتوں کے دوران پندرہ سے زیادہ بچوں کے اغواء کے واقعات رپورٹ ہوئے ہیں جن میں راوی روڈ ، داتا دربار، بھاٹی گیٹ، مغل پورہ اور باغبان پورہ کے علاقے شامل ہیں۔
