پیر, جولائی 7, 2025
اشتہار

پی ٹی آئی کا بیمار کارکن ہتھکڑیوں کے ساتھ آئی سی یو میں

اشتہار

حیرت انگیز

اسلام آباد: اسلام آباد پولیس نے دل کے مریض تحریک انصاف کے کارکن کو اسپتال کے بستر پر ہتھکڑیاں لگا دیں،اڈیالہ جیل میں قید کارکن بیت اللہ کو دل کا دورہ پڑا تھا۔ دوسری جانب راولپنڈی سے گرفتار کارکنوں کی ضمانتیں منظور کرلی گئیں۔

اسلام آباد میں تحریک انصاف کے کارکنان کے خلاف پولیس کا کریک ڈاؤن جاری ہے۔ پولیس نے آئی سی یو میں موجود تحریک انصاف کے کارکن کو بستر کے ساتھ ہتھکڑیاں ڈال کر قید کرلیا۔

گزشتہ رات اڈیالہ جیل میں قید انصافی کارکن بیت اللہ کو دل کا دورہ پڑا تھا۔ مریض کو نیم بے ہوشی کی حالت میں پمز اسپتال پہنچایا گیا جہاں ان کی انجیو پلاسٹی ہوئی۔

بیت اللہ خان وفاقی دارالحکومت کے علاقے بہارہ کہو میں تحریک انصاف کے عہدے دار ہیں۔

دوسری جانب راولپنڈی سے گرفتار کارکنوں کی ضمانتیں منظور کرلی گئیں اور انہیں رہا کرنے کا حکم دے دیا گیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں