پیرس :فرانس کے دارالحکومت پیرس میں فرانس اورسوئیڈن کے میچ سےقبل پیرس حملوں کےمتاثرین کی یاد میں ایک منٹ کی خاموشی اختیار کی گئی۔
تفصیلات کےمطابق پیرس کے اسٹیڈیم دی فرانس میں میزبان فرانس اور سوئیڈن کی ٹیم کے درمیان فٹ بال میچ میں صدراولاندے سمیت اعلیٰ حکام اورہزاروں کی تعدادمیں تماشائیوں نے شرکت کی۔
اس موقع پرفرانس کے صدر اولاندے کا پیرس حملوں کے متاثرین کویاد کرتے ہوئے کہنا تھا کہ مرنےوالےہماری یادوں میں زندہ رہیں گے۔
فرانسیسی صدر اولاندے کا کہناتھا کہ ہمیں حملوں میں زندہ بچ جانےوالے افراد کا خیال رکھنا ہوگا اوران کی بحالی کےکیے کام کرتے رہناہوگا۔ان کا مزید کہناتھا کہ ہمیں متحدرہتےہوئےدہشت گردی کوشکست دیناہوگا۔
مزید پڑھیں:پیرس حملوں کے ماسٹر مائنڈ اور مزید2خودکش حملہ آوروں کو شناخت کرلیا گیا
یاد رہے کہ گزشتہ سال 13 نومبر کو فرانس میں ہونے والے دہشت گرد حملے میں تقریباََ137افراد جان کی بازی ہار گئے تھے جبکہ درجنوں افراد ان حملوں میں زخمی ہوئے تھے۔
واضح رہے کہ فرانس اور سوئیڈن کے درمیان پیرس کے اسٹیڈیم دی فرانس میں کھیلے جانے والے فٹ بال میچ میں فرانس نے سوئیڈن کو1-2سے شکست دے دی۔
