اسلام آباد:وفاقی وزیر داخلہ چوہدری نثارعلی خان لندن میں اپنے علاج کے بعدآج وطن واپس پہنچ گئے۔
تفصیلات کےمطابق وفاقی وزیر داخلہ چوہدری نثار علی خان طبی معائنے کے بعد لندن سے آج صبح پی آئی اے کی پرواز 786کے ذریعے اسلام آباد پہنچ گئے۔
برطانیہ میں دو ہفتے قیام کے دوران انہوں نے اپنا مکمل چیک اپ کروایاجس میں ان کی تمام میڈیکل رپورٹس نارمل آئی ہیں۔
لندن ایئرپورٹ پروطن روانگی سے قبل چوہدری نثار علی خان نےمیڈیا سے گفتگو کرتے ہوئے کہا کہ وہ پاکستان پہنچ کر ذمہ داریاں سنبھال لیں گے۔
وفاقی وزیرداخلہ نے نئے آرمی چیف کے حوالے سے گفتگو کرتے ہوئے کہا کہ نئے آرمی چیف ملک کی سرحدوں کی حفاظت کے لیے مزید بہتر کام کریں گے۔
مزید پڑھیں:چوہدری نثار علی خان کی جلد صحتیابی کیلئے 7بکروں کا صدقہ
یاد رہے کہ اس سےقبل گزشتہ ہفتے وفاقی وزیر داخلہ چوہدری نثار علی خان کی جلد صحت یابی کےلیے راولپنڈی کی یونین کونسل نمبر 77میں ن لیگ کے چیئرمین وقار ڈار نےسات بکروں کا صدقہ دیا گیا تھا۔
واضح رہے کہ رواں ماہ13نومبر کو وزیرداخلہ برطانیہ گئے تھے جہاں انہوں نے برطانوی وزیراعظم اوردیگر حکام سے ملاقاتیں کی تھیں۔
