کراچی : پاکستان اسٹاک مارکیٹ میں ساتویں کاوباری روز ہنڈریڈ انڈیکس میں مسلسل تیزی ریکارڈ کی جارہی ہے۔ ٹریڈنگ کے دوران ہنڈریڈ انڈیکس پینتالیس ہزار پوائنٹس کی نفسیاتی حد عبور کر گیا۔
تفصیلات کے مطابق پاکستان اسٹاک مارکیٹ بلندی کی جانب گامزن ہے۔ آج بھی مارکیٹ کا آغاز تیزی سے ہوا۔ ٹریڈنگ کے دوران ہنڈریڈ انڈیکس میں چھ سو چالیس سے زائد پوائنٹس کا اضافہ دیکھا گیا۔
اسٹاک مارکیٹ تجزیہ کاروں کے مطابق عالمی منڈی میں خام تیل کی قیمت میں اضافہ اور کمپنیوں کے بہتر مالیاتی نتائج کی امید پر اسٹاک میں مسلسل تیزی دیکھی جارہی ہے۔
مزید پڑھیں : پاکستان اسٹاک ایکس چینج کے حصص کی فروخت کی نیلامی ملتوی
ماہرین کا کہنا ہے کہ کورین آٹو کمپنی کی جانب سے پاکستان میں بڑی سرمایہ کاری کے اعلان کے سبب سرمایہ کاروں کا اعتماد بحال ہوا جس کے سبب نہ صرف مقامی بلکہ عالمی سرمایہ کاروں کی جانب سے شئیرز کی فروخت کے بجائے خریداری کو ترجیح دی جا رہی ہے۔
گزشتہ روز بھی شیئر بازار میں تیزی دیکھی گئی تھی اور مارکیٹ کپیلٹلائزیشن نوے کھرب سے تجاوز کرگئی تھی۔
