کراچی: شہر قائد کے مختلف علاقوں سے دوافراد کی تشدد زدہ لا شیں برآمد ہوئیں جبکہ شاہراہ فیصل ناتھا خان پل پر مبینہ پولیس مقابلے میں ایک ڈاکو ہلاک ہوا‘دوسری طرف ملیر سعود آباد سے پولیس نے پانچ ملزمان کو گرفتار کرکے تفتیش کے لیے تھانے منتقل کردیا۔
تفصیلات کے مطابق کراچی کے علا قے ملیر سموں گوٹھ سے ایک شخص کی گلا کٹی تشدد زدہ لاش برآمد ہوئی ،پولیس کے مطابق مقتول کی شناخت فریاد علی کے نام سے ہوئی جبکہ سائٹ کے علا قے میں فائر بریگیڈ والی گلی سے ایک شخص کی تین سے چار روز پرانی لاش برآمد ہوئی۔
اورنگی ٹاؤن ایم پی آر کا لونی میں فا ئرنگ سے نوجوان زخمی ہو گیا،دوسری جانب ملیر سعود آباد کے علا قے میں بھی پولیس نے کارروائی کرتے ہوئے پانچ ملزمان کو گرفتار کر لیا،جبکہ شاہراہ فیصل ناتھا خان پل پر مبینہ پولیس مقابلے کے دوران ایک ڈاکو ہلاک اور اس کے دوساتھی فرار ہوگئے ۔
