لندن : ریلوے ،ائیرلائنز اور زیرزمین ٹیوب سروس کے ملازمین کی ہڑتال سےنظام زندگی مفلوج ہونے کا خدشہ ہے۔
برطانوی میڈیا کے مطابق مذکرات کی ناکامی پر لندن زیر زمین ٹیوب سروس کے ملازمین نے آج ہڑتال کی کال دے رکھی ہے، برٹش ایئرویز کے کیبن کریو اور سدرن ریل کے ڈرائیورز نے بھی منگل ،بدھ اور جمعہ کو ہڑتال کا اعلان کر رکھا ہے۔
- Advertisement -
برطانوی میڈیا کے مطابق ٹیوب سروس کی ہڑتال کے باعث نظام زندگی اور شہری دہری پریشانی کا شکار رہیں گے جبکہ دفاتر میں حاضری کا تناسب بھی نہ ہونے کے برابر رہے گا۔
دوسری جانب ائیرلائنز اور ریلوے ملازمین کی ہڑتال کامیاب ہونے پر نظام زندگی مفلوج ہوکر رہ جائے گا۔
لیبر یونین حکام کے مطابق ہڑتالوں کو اعلان حکومت سے مذاکرات کی ناکامی پر کیا گیا ہے۔
